Kombëtarja shqiptare e futbollit e ka nisur në mënyrën më të mirë edicionin e ri të Ligës së Kombeve, shkruan Syri.net.
Kuqezinjtë e drejtuar nga Edi Reja kanë fituar me rezultatin e pastër 2-0 në transfertë me Bjellorusinë ndeshjen e parë të Grupit 4 të Ligës C, por mjaft e rëndësishme është që suksesi u arrit nëpërmjet një dominimi të dukshëm në lojë.
Në stadiumin “Dinamo” të Minskut ndeshja u vendos nga golat e Sokol Cikalleshit (23’) dhe Keidi Bares, që i dhanë 3 pikët e para në grup Shqipërisë, e cila bindi me lojën e saj.
Në ndeshjen tjetër të këtij grupi, Kazakistani fitoi po me të njëjtin rezultat, 0-2, në transfertë me Lituaninë, duke udhëhequr së bashku me Shqipërinë me nga 3 pikë secila.
