A do të nisë një tjetër kompeticion në fushën e futbollit?

Siç duket, PO! Duke nisur nga 2021 FIFA do të  krijojë një kompeticion të ri në përmasa më të vogla se Kupa e Botës, duke qenë se 4 vitet e pritjes nga një Botëror te një tjetër shihen si një periudhë shumë e gjatë.

Sipas “Reutres”, turneu i ri pritet të luhet çdo dy vite, duke nisur nga viti 2021 dhe kjo nënkupton të tjera ndeshje, të tjerë sponsorë dhe më shumë të ardhura.

Presidenti i qeverisë së futbollit botëror, Gianni Infantino po mendon për një kompeticion midis 8 skuadrash, që mund të zhvillohet mes tetorit e nëntorit, me 8 kombëtare që do të zgjidhen nga të gjitha kontinentet.

Për këtë risi duket se të gatshëm janë edhe një grup investitorësh, të cilët mund të derdhin plot 25 miliardë dollarë për të blerë të drejtat e turneut për 12 vitet e para që nga nisja.