Finalja e madhe e Champions League është një nga evenimentet më të shumëpritura nga të gjithë njerëzit nëpër botë. Këtë vit ndeshja e rëndësishme midis dy skuadrave finalist, Real Madrit dhe Liverpool do të mbahet në kryeqytetin e Ukrainës, Kiev.

Me anë të një postimi në “Facebook”, UEFA ka konfirmuar se këngëtarja shqiptare me famë botërore, Dua Lipa do të performojë në ceremoninë e hapjes së finales së UEFA Champions League.

Sajti i UEFA-s ka publikuar një video ku shfaqet Dua Lipa dhe në sfond dëgjohet kënga e saj që theu rekorde ‘New Rules’. “Ne kemi një tjetër artiste mahnitëse në që do ngjitet në skenën e këitij viti në ceremoninë e hapjes së finales së UEFA Champions League. Mund ta gjeni se kush është?” – shkruhet në “Facebook”.

Finalja e këtij viti, do të luhet mes britanikëve të Liverpulit dhe spanjollëve të Real Madridit në datën 26 maj në Kiev të Ukrainës.