Një mbrëmje magjike ishte mbrëmja e dytë e çerekfinales se kompeticionot më të madh të futbollit në botë, me gola të shumtë por rezultat jo shumë surprizues.

Në ndeshjen që mund të themi se ishte “derbi” anglez, ajo e zhvilluar midis Liverpool dhe Man. City-t, pavarësisht se dominimin e kishin “Citizens” të Guardiolës u duk se nuk mund ta mbanin deri në fund pasi u dorëzuan shpejt përballë ekipit të Kloppit.

Rezultati I ndeshjes u zhbllokua në minutën e 12 nga egjkiptjani Mohammed Salah, ndërsa në harkun kohor 9 dhe 10 minuta nga goli I tij, Liverpool shënoi dy herë të tjera nga Oxlade-Chamberlein dhe Mane.

Mjaftuan vetëm 30 minuta lojë që vendasit të arrini të vendosin fitore, pavarësisht se “Citizens” u përpoqën fort deri në fund të takimit ata nuk ja dolën që të merrnin as edhe barazim nga kundërshtarët.

Ndërsa, në “Camp Nou” të Katalonjës, ashtu siç pritej fituese ishte Barcelona. Romanët, jo vetëm duhej të kujdeseshin për të ndaluar Messin dhe shokët e tij, pa ia dalë mbanë, por e çuan plot dy herë topin në portën e tyre të mbrojtur nga Alisson.

Në minutën e 38 De Rossi, duke u munduar për të mos ja lënë lojtarëve të Barças topin shënoi vet në portën e tij. Edhe goli i dytë ishte sërish autogol, këtë herë në minutën e 55-të nga greku Manolas, pas një rrëmuje në zonën e rreptësisë dhe në mungesë të fatit.

4 minuta më pas do të ishte fati i Gerard Pique që të linte mbrojtjen e të shënonte pas asistit të Suarezit. Në momentin kur Roma u duk e dorëzuar ishte goli i Dzekos, 10 minuta nga fundi i kohës së rregullt, për të rindezur shpresat. Gjithsesi kjo fije shprese nuk ndryshoi gjë, pasi Suarez do të mbyllte llogaritë me golin e katërt në minutën e 87.

Takimet e kthimit do të luhen pas një jave në “Etihad Stadium” të Manchesterit dhe “Olimpico” të Romës.