Ndeshje e çmendur në Gjirokastër, Luftëtari dhe Partizani e mbyllën takimin në barazim 2-2. Pjesa e parë foli krejtësisht për të kuqtë që e mbyllën në shifrat 0-2, ndërsa në pjesën e dytë ishin vendasit që barazuan rezultatin duke marrë 1 pikë me mjaft vlerë. Luftëtari mbetet në vendin e 3-të pas këtij rezultati, të sigurt drejt Evropës, ndërsa Partizani ndodhet në vendin e 5-të dhe redukton shanset për të arritur në kompeticionet evropiane.
Pjesa e parë – Takimi nis menjëherë mirë për skuadrën e Partizanit që ka ndryshuar goxha në formacion. “Demat” e treguan se duan ta fitojnë ndeshjen, ndërsa ekipi vendas nuk dhuroi asgjë në fushën e lojës. Dukshëm në presionin e rezultatit dhe sigurimit të Europa Leagues. Partizani arriti të shënonte me anë të Jasir Asanit në minutën e 25-të, mesfushori me tipare sulmues ndërmori një aksion personal. U shmang mjaft bukur dhe shënoi me të majtën.
Sulmet e miqve nuk u ndalën dhe arritën të shënojnë golin e dytë me anë të Gojkoviçit. Krosim në zonë nga një goditje dënimi. Kroson Trashi në minutën e 30-të, Batha godet fillimisht me kokë duke e dërguar topin në shtyllën e dytë dhe aty Gojkovic gjuan me kokë duke e dërguar në rrjetë për 0-2.
Pjesa e dytë - Pjesa e dytë e gjen Luftëtarin në sulm. Abazaj befason miqtë me një shkëputje brenda zonës dhe një gjuajtje pjerrtas zonës duke e pushuar topin në rrjetë në minutën e 51-të. Gabim fatal i Hoxhës që pranon gol në krahun e tij. Vazhdimi i ndeshjes është shumë i ashpër me Luftëtarin që do golin e barazimit dhe Partizanin që mbrohet me forca të shumta. Trajneri Lika ndryshoi, pasi hoqi nga fusha Shkurtajn dhe futi Aurrelion. Sulmuesi nuk e priti mirë zëvendësimin.
Vendasit vazhduan sulmet me mbështetjen e tifozerisë, ndërsa ekipi i Partizanit u dobësua dhe nuk arriti të dilte te loja e tij. Në minutën e 70-të, gjirokastrite bënë një aksion fantastik në krahun e djathtë të fushës që u konkretizua nga Rapo. Ky i fundit barazoi shifrat duke dërguar topin në rrjetë. / EDS
KATEGORIA SUPERIORE – JAVA 33
Luftëtari – Partizani 2-2
E mërkurë, 9 maj 2018, ora 16:00, Stadiumi “Gjirokastra
Shënues: Abazaj 51’, Rapo 70’ / Asani 25’, Gojkovic 30’
Luftëtari: Athanasopulos, O.Rapa, Jakovljevic, Beqiri, Jackson, Ramadani, D.Rapo, Abazaj, Rroca (Lamçja 82’), Bregu, Shkurtaj (Aurelio 67’). Trajner: Hasan Lika
Partizani: Hoxha, Fejzullahu, Gojkovic, Belica, Kotobelli, Batha, Culum, Trashi (Sulejmani 86’), Asani (Çani 88’), Bardhi (Mala 74’), Progni. Trajner: Klevis Dalipi
Gjyqtarë: Ardian Beqiri, Denis Rexha, Alfred Shkreta
Kartoni i verdhë: Rroca 45’+1’ / Batha 5’, Asani 25’, Kotobelli 69’, Culum 79’
