Një punonjës i Policisë Kufitare të Kakavijës është aksidentuar në orët e para të mëngjesit të sotëm.
Shkëlqim Lile në detyrë polic në Drejtorinë Kufitare në vijën e gjelbër të kufirit ishte duke u kthyer në këmbë nga shërbimi dhe është goditur rëndë nga një automjet në urën e fshatit Kakavijë fare pranë Greqisë.
Automjeti e ka përplasur policin në tokë duke i shkaktuar thyerjen e gjymtyrëve të trupit dhe plagë të tjera. Ngjarja ka ndodhur në orën 05:30 të mëngjesit të sotëm.
Polici u çua në spital në gjendje kritike për jetën. Shoferi që e goditi punon në një kompani sigurimesh dhe quhet Arjan Kushe, dhe është ndaluar nga ana e policisë për t’u marrë në pyetje.
