Pas një debati për motive pronësie, Fatmir Cenaj, ka plagosur me armë zjarri ish kryetarin e fshatit Rehovë të Poliçanit.

Policia raporton se ngjarja ka ndodhur rreth orës 09.40 në Rehovë. Ish kryeplaku Jonuz Banaj dhe Fatmir Cenaj prej vitesh kanë një konflikt pronësie, dhe debati i këtij mëngjesi ka degjeneruar në përdorimin e armës.

58- vjeçari Cenaj e ka plagosur me automatik, model 56. I dëmtuari u nis me helikopter drejt Spitalit Ushtarak të Tiranës, për ndihmë mjekësore më të specializuar.

Ndërkaq autori është arrestuar në kohë rekord nga policia. Grupi hetimor po punon për zbardhjen e plotë të rrethanave të ngjarjes.