IMK: Mozaiku i Bazilikës së Madhe në Butrint, i hapur gjatë sezonit turistik

Tuesday, 14 May 2019 11:37

Instituti i Monumenteve të Kulturës shkruan se fragmenti i mozaikut që ndodhet në transeptin e Bazilikës së Madhe në parkun kombëtar të Butrintit, në Sarandë, do të jetë i hapur për vizitorët gjatë gjithë sezonit turistik 2019. Specialistët e Parkut Kombëtar të Butrintit, nën mbikëqyrjen e specialistëve të Sektorit të Veprave të Artit pranë Institutit të Monumenteve të Kulturës, realizuan hapjen e fragmentit të mozaikut që ndodhet në transeptin e Bazilikës së Madhe. Pas largimit me kujdes të dy shtresave të rërës, të cilat mbulonin mozaikun, u konstatua se gjendja e tij paraqitej e mirë. Më pas u realizua pastrimi me kujdes i sipërfaqes. Gjendja e tij do të monitorohet në mënyrë të vazhdueshme dhe pastrimi i tij do të bëhet në mënyrë periodike. Sipas IMK që ka publikuar dhe fotot, procesi i hapjes së mozaikut ka tërhequr vëmendjen e vizitorëve, ndërkohë që Bazilika e Madhe në Butrint është një ndër monumentet më të rëndësishme arkitekturore dhe pjesë e itinerarit kryesor turistik.

Parku Kombëtar i Butrintit me rrënoja mahnitëse greke, romake, osmane, i ndodhur në pjesën jugperëndimore të vendit, është një nga destinacionet kryesore të vizitorëve vendas, por edhe turistëve të huaj. Ky park ofron numër të konsiderueshëm vendesh arkeologjike. Butrinti ashtu si shumë qendra të tjera të rëndësishme arkeologjike në Shqipëri, u shpall monument kulture, që në vitin 1948 me një akt të parë rregullues për monumentet e kulturës. Në vitin 1981, zona e pyllëzuar përreth Butrintit u shpall gjithashtu monument kulture sipas ligjeve ekzistuese, për mbrojtjen e zonave arkeologjike me rëndësi mjedisore. Në rrafshin ndërkombëtar, rëndësia e qytetit antik u njoh dhe u konfirmua si e tillë në vitin 1992, kur ai u përfshi në listën e pasurive botërore të UNESCO-s. Kjo u bë nga Komiteti i Trashëgimisë Botërore, duke iu referuar konventës së vitit 1972, "Për mbrojtjen e Trashëgimisë Botërore Kulturore dhe Natyrore". Parku Kombëtar i Butrintit u krijua nga Ministria e Kulturës, duke përfshirë një sipërfaqe toke shtetërore prej 29 km/katrorë. Kufijtë e këtij Parku, shtrihen në daljen e fshatrave përreth tij, si Ksamili, Vrina, Shëndëllia dhe Xarra. Krijimi i parkut kombëtar u bë një domosdoshmëri, sipas specialistëve, për ruajtjen e vendndodhjes dhe atmosferës unikale të Butrintit. 

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

‘Jam ekstremist islamik’, shqiptari kërcënon policinë por e pëson keq

Aktualitet

‘Jam ekstremist islamik’, shqiptari kërcënon policinë por e pëson keq

Një 36-vjeçar është arrestuar nga Policia në Itali, pasi u përfshi në një aksident rrugor në Verona. Por sikur të mos mjaftonte kjo, 36-vjeçari është larguar nga vendi i ngjarjes...

Mbetjet e rrezikshme nga Italia, Gjykata lë në burg pronarin e firmës së grumbullimit, zv. kapitenin e tragetit dhe shoferin e furgonit

Aktualitet

Mbetjet e rrezikshme nga Italia, Gjykata lë në burg pronarin e firmës së grumbullimit, zv. kapitenin e tragetit dhe shoferin e furgonit

Gjykata e Vlorës ka dhënë masat e arrestit për 6 të arrestuarit gjatë operacionit ku u kapën mbetjet e rrezikshme në Vlorë. Nga 6 të arrestuarit Gjykata ka vendosur arrest me...

Shënohet viktima e gjashtë nga koronavirusi në Itali, rritet numri i të prekurve

Globi

Shënohet viktima e gjashtë nga koronavirusi në Itali, rritet numri i të prekurve

Është rritur numri i viktimave nga koronavirusi në Itali. Mediat e shtetit fqinj raportojnë se numri i të vdekurve ka shkuar në gjashtë. Ndërrsa frika nga koronavirusi vazhdon rritet, numri i...

Sondazh

Nothing found!

Sondazh

Nothing found!