Një tjetër amerikan është caktuar në postin e kryeprokurorit të Dhomave të Specializuara dhe Zyrës së Prokurorit në Kosovë pas largimit të David Schwediman.

Kryeprokuror i ri i Gjykatës Speciale, pritet të jetë prokurori amerikan Jack Smith.

Është marrë vesh se Smith ka përvojë edhe nga e kaluara në gjykatat jashtë Shteteve të Bashkuara të Amerikës, pasi ka shërbyer për një kohë edhe në Sudan, njofton Klan Kosova.

Prokurori amerikan, 48 vjeçar, thuhet të ketë kërkuar rreth një vit kohë për t’u familjarizuar me procedurën dhe lëndët që do të trajtojë Specialja.

Fillimisht mendohej se kryeprokuror do të caktohej Kwai Hong Ip, në mënyrë që ta sigurojë vazhdimësinë dhe ta ruajë ritmin e hetimeve. Por, kështu nuk ka ndodhur pasi tashmë Jack Smith është caktuar prokuror i ri i Speciales.