Misteri/ BILD: A e inskenoi vdekjen e tij shefi i mercenarëve të Wagner?

E Enjte, 24 August 2023 20:23
BILD

 

A është hakmarrë diktatori rus, Vladimir Putin, duke eliminuar rivalin e tij më të madh? Ai kishte shumë arsye për ta bërë këtë, ndërsa nuk ka shumë skrupuj.

Apo gjithçka ishte një mashtrim? Shefi i Wagner, Yevgeny Prigozhin duhet ta ketë ditur se ai ishte objektiv i Kremlinit. Kjo është arsyeja pse, sipas disa vëzhguesve, bosi i Wagner mund të ketë inskenuar vdekjen e tij- që të fshihet!

Këtë nuk e besojnë vetëm disa nga mbështetësit e tij më të vendosur, të cilët ende shpresojnë që Prigozhin të jetë gjallë. Sepse ende nuk është sqaruar përfundimisht nëse në bordin e avionit që u rrëzua të mërkurën, ishte vërtet bosi i mercenarëve.
 
 
Dyshimet për vdekjen e Prigozhin u mbollën për herë të parë të mërkurën në mbrëmje nga kanali në Telegram i grupit mercenar, “Zona Gri”.

 

Avioni i dytë

Siç raportoi “Zona Gri”, të mërkurën në orën 19:58, pranë avionit privat të rrëzuar ishte në ajër edhe një avion i dytë. Ai nuk u rrëzua, por u kthye në Moskë pas rrëzimit të të parit dhe u ul atje i sigurt.

Një gjë e tillë vërtetohet edhe nga gjurmuesi i fluturimeve FlightRadar24. Avioni i rrëzuar ishte një Embraer Legacy 600, me regjistrim RA-02795, avioni i dytë një Embraer ERJ-135 BJ ‘Legacy 650’ në numër RA-02748.

“Ku ishte në të vërtetë Yevgeny Prigozhin? Aktualisht nuk ka të dhëna të sakta për këtë,” tha kanali “Zona Gri” në orën 19:58.

Në bord ishte numri dy i Wagner?

Shpresa e shumë mbështetësve të Wagner është që Prigozhin të ishte në avionin e dytë. Kjo mund të mbështetet nga fakti se si një person në rrezik, ai shpesh hidhte gjurmë të gabuara për vendndodhjen e tij.

Dhe si masë paraprake, ai nuk mund të ketë hipur në avion së bashku me Dmitri Utkin- të paktën kështu mendojnë ekspertët.

Uktin është numri dy i Wagner dhe komandant kryesor i grupit. Ishte ai që i dha emrin ushtrisë privae kur u themelua: neonazisti me simbole SS si tatuazhe në pjesën e sipërme të trupit është një fans i kompozitorit gjerman Richard Wagner dhe mban emrin e betejës ‘Wagner’.

Trupat nuk janë identifikuar ende

Të enjten në mëngjes, autoritetet ruse raportuan se kanë gjetur dhjetë trupat- por pa konfirmuar vdekjen e Prigozhin, pasi trupat nuk janë identifikuar dhe një gjë e tillë mund të mos ndodhë kaq shpejt. Kjo për shkak se kufomat janë shpërfytyruar rëndë.

Grupi me ndikim i blogerave ‘Rybar’, shkroi të enjten: “Trupat në vendin e rrëzimit nuk janë identifikuar ende. Ekspertët mjekoligjorë po punojnë në zonën e rrethuar dhe të gjithë trupat janë dërguar në një nga morgjet në Tver. Sipas disa burimeve, disa prej tyre janë dëmtuar rëndë, kështu që mund të nevojiten analizat e ADN-së”.

Vetëm në orën 21:27 minuta të mbrëmjes së të mërkurës, “Zona Gri” raportoi për vdekjen e Prigozhinit, duke filluar menjëherë adhurimet ndaj heroit propagandistik të Wagner: “Edhe në ferr, ai do të jetë më i mirë,” cituan ata një shprehje të vetë Prigozhin, i cili dikur pati thënë: “Do të përfundojmë në ferr, por do të jemi më të mirët atje”.

Por edhe konfirmimi i vdekjes së Prigozhin mund të çojë në një refleks mes mbështetësve të bindur të Wagner, që do të vazhdojnë të mohojnë vdekjen e udhëheqësit të tyre.

Më vonë, “Zona Gri” citoi një tjetër shprehje të Prigozhin, si për të treguar se sa brutalë janë mercenarët e Wagner. Citati thoshte: “Më mirë të vdesësh si hero se të jetosh si pederast”.

Login to post comments

Lajmet e fundit

“Markat, ndikimi kryesisht nga Perëndimi”

Media

“Markat, ndikimi kryesisht nga Perëndimi”

Flet Era Xhabafti, zv.menaxhere e përgjithshme e kompanisë “Mini Invest Albania”   Ndonëse pandemia ka ndikuar në kërkesën për më shumë komoditet, kërkesat janë që edhe rehatia të jetë me marka. Kështu shprehet...

Çfarë do bëhet me dosjen ‘Xibraka’!

Politikë

Çfarë do bëhet me dosjen ‘Xibraka’!

Nga Flamur Vezaj: Dosja ‘XIBRAKA’ nuk ka vetëm emrin e Olsi Ramës! Aty ka edhe plot te tjerë, te njohur e te panjohur, biznesmen, ndërtues, kriminel e krerë bandash qe veprojnë akoma...

Dosja ‘5D’/ Zef Preçi: Skemë e ngjashme me inceneratorët, djajtë kanë dalë nga shishja

Politikë

Dosja ‘5D’/ Zef Preçi: Skemë e ngjashme me inceneratorët, djajtë kanë dalë nga shishja

Eksperti i ekonomisë, Zef Preçi, e konsideroi si një skemë të ngjashme me atë të inceneratorëve, atë të krijuar nga drejtorët e Erion Veliajt me kompaninë ‘5D’. Për emisionin “Task Force”...