Gjatë kohës së diktaturës, komiteti i partisë ishte organ më i lartë në nivel vendor dhe sekretari i pari zyrtari më i fuqishëm. Pavarësisht se nuk ishte organ shtetëror, komiteti udhëhiqte punët e gjithë rrethit. Komiteti përbëhej nga sekretari i parë, sekretari, byroja e rrethit dhe aparati. Ngaqë pushteti i vendosur në vitin 1944 ishte pikësëpari pushtet i injorantëve ndaj pjesës më të mirë të vendit, kuptohet që edhe cilësia e parë e këtyre komiteteve ishte mbizotërimi i të paditurve. Përveçse kësaj, janë qindra raporte që tregojnë imoralitet të lartë brenda komiteteve në fjalë. Sjell sot një raport të vitit 1978 kundër një sekretari të parë, të bërë problem pasi imoraliteti kaloi çdo parashikim. Në shumë raste partia i mbyllte këto çështje dhe i mbante në sirtar për t’i përdorur kur duhej.