“Antifashistit” Mustafa Matohiti, regjimi fashist i dha gjithë rrogat për mjekimin në Itali

E Enjte, 05 December 2019 16:22

Nga Kastriot Dervishi

Vitin 1939 (pjesa fashiste), 1940, 1941, Mustafa Matohiti vijonte rregullisht shërbimin ndaj regjimit fashist si kryetar i Komunës së Dukatit. Për arsye shëndetësore ai u shtrua në Itali në një sanatorium të njohur. Mund të ishte kuruar në Tiranë, por nuk e pëlqeu këtë donte kurim të specializuar. Pavarësisht iu bënë 6 muaj që ishte shkëputur, vendi nuk iu zu. Rroga vazhdonte. Për shkak të një vonese të kësaj rroge, i deklaroi sanatoriumit që mospagimi i një shume lidhej me procedurat. Në kërkesë edhe të letrës së doktorit të spitalit, iu shkrua Zyrës Politike dhe të Personelit të Ministrisë së Punëve të Brendshme që ishte në fakt shërbimi sekret i kohës. Në kohë rekord jepet urdhri që “antifashistit” Mustafa Matohiti, t’i paguhet paga e plotë e kohës që nuk ishte në detyrë.

***

Sanatoriumi i Parë Italian

Doktor Ausonio Zubiani

Administrata

3 shkurt 1941, XIX

Të nderuarës Ministri të Punëve të Brendshme, Zyrës Politike, Tiranë

Nga 4 gushti 1940, si pasojë e interesimit të Kryqit të Kuq Shqiptar, dergjet në këtë sanatorium, zoti Matohiti Mustafa Podesta nga Dukati. Ai pohon se prej disa muajsh nuk i vjen rroga që i takon me të drejtë nga ana e kësaj ministrie të respektuar dhe si pasojë nuk është në gjendje të paguajë kuotën që i ngarkohet për qëndrimin këtu. Kjo administratë ka bërë durim për disa muaj, por meqenëse tani borxhi personal i zotit Matohiti arrin shumën 5968.05 lireta, për arsye që duken qartë, nuk mund të presë më. Na lejoni pra t’i kërkojmë kësaj ministrie të nderuar nëse zotit Matohiti mund t’i bëhet çek së shpejti, sepse përndryshe, me keqardhje, do të jemi të detyruar ta largojmë.

***

Mbretëria Shqiptare

Ministria e Punëve të Brendshme

Zyra Politike dhe e Personelit

Tiranë, më 6 shkurt 1941

Lënda: Mbi pagimin e rrogave të z.Mustafa Matohiti

Kryetari i Komunës së Dukatit, z.Mustafa Matohiti, me një letër i i ka drejtuar titullarit të këtij dikasteri nga Sanatoriumi Pineta di Sortenna Sondrio, ku është rikoveruar si suspest TBC, ankohet që nuk i janë paguar rrogat që nga tetori e këndej.Meqë i përmenduri lshtë i detyruar shumë kundrejt Sanatoriumit në fjalë, aq sa administrata e tij shtrëngohet ta nxjerrë jashtë e ta lërë rrugëve, për të mos u marrë nëpër këmbë prestigji i një nëpunësi në një vend të huaj, lutemi dispononi kategorikisht pranë Komunës së Dukatit që brenda një jave, t’i paguajnë z.Matohiti të gjitha rrogat e palikuidura deri më sot, përfshirë në formë paradhënie edhe rrogën e muajit shkurt 1941 e t’ia dërgojë me çek bankar, direkt në drejtimin e sipërshënuar. Përfundimi të na njoftohet me telegram

Ministri

Maliq Bushati

Modifikuar më E Enjte, 05 December 2019 17:01

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

“I bija telefonit, nuk ma hapte. Mora vesh se vajza kishte tentuar t’i jepte fund jetës”

Aktualitet

“I bija telefonit, nuk ma hapte. Mora vesh se vajza kishte tentuar t’i jepte fund jetës”

Në rubrikën “Ka një mesazh për ty” në Tv Klan, Shqipja rrëfeu në studio se kur vajza e saj ishte 15 vjeç vendosi ta martonte. Gjërat po shkonin mirë deri...

VIDEO-PREKËSE/U diagnostikua me sëmundje të rëndë, nëna i vendos djalit dhe nuses unazat në emision

Aktualitet

VIDEO-PREKËSE/U diagnostikua me sëmundje të rëndë, nëna i vendos djalit dhe nuses unazat në emision

Rubrika ”Ka një mesazh për ty” në Tv Klan ka sjellë sot historinë e dhimbshme të zonjës Valbona. Ajo është diagnostikuar me një sëmundje tumorale dhe prej disa vitesh është...

FOTO/ Ngricat dhe bora, ARRSH informon për dy akset në Veri

Aktualitet

FOTO/ Ngricat dhe bora, ARRSH informon për dy akset në Veri

Autoriteti Rrugor Shqiptar informon lidhur me dy akse në Veri, Kukës- Fushë Arrëz dhe Fushë- Arrëz Pukë duke thënë se qarkullimin vijon normalisht. Pasi këto dy akse ishin problematike për shkak...

Sondazh

Nothing found!

Sondazh

Nothing found!