Me vendet e kampit të dikurshëm socialiste, për një farë kohe në Shqipëri kishte disa shoqata kulturore. Në vitet 1945-1948 me e spikatura ishte ajo Shqipëri-Jugosllavi, madje duke e lënë të zbehetë shoqatën tjetër për miqësinë me Bashkimin Sovjetik. Shoqëria e Miqësisë Shqipëri-Bashkimi Sovjetik u krijua në vitin 1945. Në 10-vjetorin e parë të saj, shoqëria numëronte 234.000 anëtarë të ndarë në 3550 rrethe kurse.
Kishin ardhur nga Bashkimi Sovjetik 7 delegacione kulturore me 31 persona, 7 grupe artistike me 96 artistë, të cilët kishin dhënë 140 shfaqje me 320.235 shikues. Për të popullarizuar emrin e Bashkimit sovjetik ishin organizuar 61.154 konferenca dhe leksione me 4 milion dëgjues.
Biblioteka e shoqërisë kishte 15 mijë vëllime librash. Shoqëria funksionoi deri në vitin 1961 dhe president i saj ishte gjithnjë një anëtar i Byrosë Politike.
