Pas marrëveshjes mbi emigrantët në Gjermani, që parashikon ndalimi e hyrjes së tyre në vend dhe që shpëtoi qeverinë e kancelares Angela Merkel, Austria tha se ishte e gatshme të marrë masa për të mbrojtur kufijtë e saj.

"Nëse marrëveshja miratohet ne do të jemi të detyruar të miratojmë masa për të mirën e popullit austriak,"-tha qeveria austriake, duke deklaruar se dëshiron të mbikëqyrë veçanërisht kufijtë jugorë, me Italinë dhe Slloveninë.

Në një deklaratë nga Viena thuhet: "Bashkimi i partive gjermane të CDU dhe CSU njofton se Gjermania dëshiron të zbatojë masa kombëtare për të luftuar hyrjen e emigrantëve në vend."

Ndër propozimet e Merkel drejtuar ministrit të saj të brendshëm, Horst Seehofer, është plani për të deportuar azilkërkuesit që vijnë në Gjermani në Austri.

Qeveria gjermane tani po pret një sqarim të shpejtë të pozitës gjermane në nivel federal.

Deklarata nga Viena vjen një ditë pas nënshkrimit të marrëveshjes nga qeveria gjermane.