Egjipti thotë ia kanë vjedhur, por statuja e Mbretit Tut shitet për 6 milionë $ në Londër

Premte, 05 July 2019 21:43

Pavarësisht pretendimeve të qeverisë Egjiptiane se ishte vjedhur nga vendi i tyre, busti 3,000-vjeçar i mbretit të djalit të Egjiptit, Tutankhamen u shit në ankand të enjten në Londër për gati 6 milionë dollarë.

Shitja e bustit u realizua nga shtëpia e ankandit Christie, një ditë pasi ministria e Jashtme e Egjiptit dhe ministria e Antikitetit dolën me një deklaratë të përbashkët dhe i bënë thirrje kompanisë që të mos shkonte para me shitjen.

Sipas tyre shitja nuk është e vlefshme, sepse shtëpia e ankandit nuk ka qenë në gjendje të verifikojë pronësinë e statujës.

Ndërsa nga ana tjetër shtëpia e ankandit Christie, nëpërmjet një deklarate tha se statuja nuk kishte qenë kurrë objekt i një hetimi dhe se kurrë nuk do të ishte shitur nëse do të kishte shqetësime legjitime.

Sipas shtëpisë së ankandit Egjipti nuk ka shprehur shqetësim kur busti u shfaq publikisht, ose kur ishte pjesë e një koleksioni privat ku shitej për 3.7 milionë dollarë në vitin 2016.

"Ne e pranojmë se objektet historike mund të ngrenë diskutime komplekse për të kaluarën, por roli ynë sot është që të punojmë të vazhdojmë të sigurojmë një treg transparent dhe legjitim, duke respektuar standardet më të larta për transferimin e objekteve ",- tha shtëpia e ankandit, e cila nuk e bëri publik emrin e blerësit.

Pretendimet e autoritetvet egjiptiane janë se statuja ishte e vjedhur gjatë viteve 1970 nga tempulli Karnak në qytetin egjiptian të Luxorit, pranë varrit të mbretit të djalit në Luginën e Mbretërve.

Në fillim të viteve 1980, Egjipti paraqiti legjislacionin që parandalonte largimin e objekteve të lashta nga vendi.

Shtëpia e ankandit thotë se është në gjendje të gjurmojë pronësinë e bustit, gjatë pesë dekadave të fundit,që nga fillimi kur busti u ble nga aristokratët gjermanë Prinz Ëilhelm von Thurn und Taxis midis viteve 1973 dhe 1974.

Ndërsa Egjipti thotë se shtëpia e ankandit nuk ka treguar dokumente që vërtetojnë pronësinë.

"Nëse kokën e Tutankhamenit do të vendosnin në ankand, do të ishte një ditë e errët në historinë e Shtëpisë Christie", - tha Zahi Hawass, ministri i mëparshëm i Egjiptit për çështjet e antikiteteve, për gazetën shtetërore Al Ahram para shitjes.

Tutankhamen u bë faraon në moshën 9 vjeç dhe ishte vendimmarrës deri në vdekjen e tij, në moshën 19 vjeçare.

Eshtrat e tij u gërmuan në 1922 së bashku me mijëra objekte të lashta, duke përfshirë një maskë ari të mbretit, që deri më sot mbetet arkeologjia më e rëndësishme dhe e njohur në Egjipt.

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...