"Në emër të popullit, prona jote konfiskohet"

Premte, 08 June 2018 19:23

REDAKSIONALE

Pak më shumë së një muaj më parë mazhoranca socialiste miratoi një dispozitë skandaloze nën petkun e një shumicë të dhimbsur që kish gjetur zgjidhjen e halleve të shtresës me probleme të mëdha sociale. Në ligjin e ri të strehimit social sot gjen një dispozitë të denjë për një ligj të dikaturës së proletariatit.

Neni 20 i ligjit për strehimin social të rilindur parashikon detyrimin e investitorit privat që një sipërfaqe të caktuar të pronës së tij t'ia kalojë në favor bashkisë për fondin special të banesave. Kur projekt-ligji u depozitua në kuvend kjo sipërfaqe parashikohej të ish 2% e sipërfaqes së shfrytëzueshme për ndërtimin mbi 2.000 m2.

Në komisione u diskutua gjatë antikushtetutshmëria e dispozitës. Deputetet e opozitës deklaruan së do të depozitonin amendamente për projektligjin në frymën e debateve në komisione. Por me gjithë debatet dhe deklaratat, as PD dhe as LSI nuk depozituan asnjëherë amendamentet në lidhje me projektligjin. Në këto kushte edhe shifra 2% u rrit në 3%.

Nëse e vendos dhe analizon dispozitën brenda piramidës së akteve të një sistemi si ai i parashikuar nga kushtetuta e këtij vendi, dispozita është thellësisht antikushtetuese.

Neni 11 dhe 41 i Kushtetutës trajtojnë në mënyrë të posaçme të drejtën e pronës dhe lirinë e veprimtarisë ekonomike. Është e vërtetë që kushtetuta ka parashikuar kufizim të lirise së veprimtarise ekonomike dhe të së drejtës së pronës private, por kjo çështje referohet në legjislacion në korpusin e akteve që trajtojnë shpronësimin për interes publik dhe nuk ka asnjë parashikim tjetër as konservator e as liberal që të justifikojë detyrimin për marrjen e pronës për qëllime qofte edhe publike.

Liria e veprimtarisë ekonomike është baza e sistemit në të cilin jetojnë hartuesit dhe mazhoranca që miratoi këtë dispozitë. Liria e veprimtarisë ekonomike përfshin lirinë e të bërit biznes me pronën apo edhe të drejtën e pronës si liri e individëve për të poseduar dhe disponuar sende të lira nga ndërhyrja e shtetit, përfshirë lirinë e investimit (etj).

Në rastin tonë: E drejta e pronës është e drejtë kushtetuese; E drejta e pronarit të truallit dhe pasurisë për të zhvilluar pronën e tij nëpërmjet kontratave të investimit, është e drejtë kushtetuese; e drejta për t'u pajisur me leje ndërtimi nga shteti, është e drejtë kushtetuese e cila kufizohet vetëm nga plotësimi i kushteve ligjore dhe urbanistike që kanë lidhje me ndërtimin dhe jo me çështje të tjera që lidhen me hallet dhe përgjegjësitë e shtetit. Përgjegjësia e shtetit për sigurimin e sipërfaqeve për banesa sociale, nuk mund të shkarkohet tek shtetasit me forma të tilla që janë as më pak e as me shume sesa "konfiskim" i pronës.

Është e vërtetë së koncepti kushtetues i interesit publik është shumë i gjerë, por ai në çdo rast nuk mund të përkthehet si e drejtë e shtetit për të konfiskuar me ligj pasurinë private.

Nga ana tjetër i gjithë mekanizmi i përdorur nga ligji për strehimin social për grabitjen me ligj të pronës private, është abuziv. Po kufizimi i limitit 2000 m2 si u vendos? Apo nëse je pronar sot i deri 2000 m2, d.m.th. sa pallati i Linda Ramës, je marksist apo populli i thjeshtë! Nëse sipërfaqja tejkalon 2000m2 shpallesh me ligj kulak dhe shteti të konfiskon pjesë të pronës! Nuk ka asnjë logjikë tjetër që mund të justifikoje të drejtën që i ka dhënë vetes pushteti i rilindjes për konfiskimin e një pjese të pasurisë.

Komisioni i ligjeve e gjeti të papranueshme dispozitën dhe në vend të formulave të shpronësimit për interesa publike, miratoi ndryshimin e formulimit duke parashikuar bonuse për investitorin në rastet kur i merrej sipërfaqe. Komisioni i ligjeve ndoqi logjikën kushtetuese dhe në vend të mekanizmit të shpronësimit, i ofronte investitorit lehtësi fiskale për sipërfaqen që i jepej shtetit. për komisionin e ligjeve konfiskimi ish antikushtetues. Komisioni i shëndetësisë dhe punës në një seance vlefshmëria e të cilës lë shumë për të diskutuar, i drejtuar nga Elisa Spirolali e rrezoi propozimin e komisionit të ligjeve dhe e rriti detyrimin nga 2% në 3%.

Me sa duket historia po përsëritet. Si pas vitit '45, kur shteti hyri në shtëpitë e njerëzve dhe pasi llogariti sa sipërfaqe u duhej për të jetuar, u sistemoi brenda shtëpive familje të tjera. Me ligjin e pushtetit populIor dhe të diktaturës së proletariatit!!!

është e vërtetë që ka vende ku legjislacioni parashikon dispozita të karakterit social. Por zgjidhjet janë të tjera. Ndërtuesit duhet të vere në dispozicion sipërfaqe dhe Pushteti lokal i merr me qira ambientet për familje në skeme sociale .... Kështu është në France! Por francezet e dine dhe i falen sistemit në të cilin jetojnë. në France prona nuk konfiskohet me ligjin partizan. Rama deklaroi së e beri me mire së në France! Dhe e tha si pa gjë të keq! Francezet qenkan popull i trashë!

Organizatat e ndërtuesve vrapuan të bënin një tryeze drejtkëndëshe dhe lanë gojën duke u qarë me argumentin së kjo: "është takse e fshehte dhe taksat në kushtetute parashikohen që vendosen vetëm nga ligjet e taksave." Dhe kjo është shume e drejte. Por ky mekanizëm nuk meriton të quhet takse e fshehte.

Qe të quhet e fshehte duhet të paktën të ketë karakteristikat e një takse (si fillim). Kjo dispozite nuk i plotëson kushtet për t’u konsideruar takse. Taksa i vendoset shtetasve që të sigurohet ofrimi i një shërbimi nga shteti për ta. Taksa është detyrim që vendoset për të gjithë dhe përfitues është i gjithë publiku.

Pra nga shërbimet që ofrohen nga shteti e për qëllimin e të cilave është vendosur taksa, përfitojnë të gjithë dhe jo kategori të caktuara. Me tej, Rama nuk u fsheh dhe nuk e fshehu fare grabitjen me ligj.

E vetmja gjë që fshehu është ajo që ka pese vjet që e fsheh, paaftësinë deri në idiotizëm për të kuptuar dhe drejtuar një shtet që nuk quhet i diktaturës së proletariatit. Paaftësinë për të kuptuar minimalisht që ka një strukture që quhet Enti Kombëtar i Banesave që duhet të zhvilloje veprimtari edhe ndërtimi që të siguroje financimin e ndërtimeve sociale. Pagat e punonjësve dhe e lopëve komuniste që drejtojnë Entin Kombëtar të Banesave paguhen nga taksat. Enti Kombëtar nuk është aty si instrumenti i konfiskimit me ligj të sipërfaqeve ndërtimore. është institucion që duhet të ofroje dhe vere në pune skema investimi. Të gjithë shqiptaret i kane paguar një here taksat që dikush në emër të tyre të zgjidhe edhe problemet e shtresave në nevoje. Dhe në rastin konkret kane paguar Entin Kombëtar të Banesave.

Ndaj i vetmi term që i shkon për shtat parashikimit të nenin 20 është ai i "tatimit të jashtëzakonshëm"! Si në '45-en! Dhe kjo kategori tatimesh nuk parashikohet në Kushtetutën e sotme! Rama dhe lopët e tij komuniste me sa duket kane lexuar një kushtetute tjetër!

Sot në kushtet kur vendi është lënë pa Gjykate Kushtetuese, nëse dikush e ka seriozisht luftën për mbrojtjen e sistemit që të gjitha palët politike kërkojnë të drejtojnë, nisma mund të kundërshtohet drejtpërdrejtë në gjykatën e Strasburgut si nisme që prek lirinë mbi pronën dhe të përcillet dhe denoncohet në Komisionin e Venecias dhe kudo si hap i qarte drejt shkeljes me ligj të te drejtave dhe lirive themelore të shtetasve.

Këtë nuk e presim ta bëjnë organizatat e ndërtuesve. Ata e lanë gojën! Praktikisht deklaruan që si takse, do ua shkarkojnë shqiptareve . Dhe mos kujtoni së do ta hane ndërtuesit e kullave rrotull kalit të Skënderbeut. Për ta ligji do shkruhet ndryshe. Edhe ai, në EMER të POPULLIT! /55news.al

Modifikuar më Saturday, 09 June 2018 15:32

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

“Kemi ikur nga Shqipëria vetëm me rrobat e trupit”, këngëtarja me famë botërore rrëfen fillimet e vështira

Show-biz

“Kemi ikur nga Shqipëria vetëm me rrobat e trupit”, këngëtarja me famë botërore rrëfen fillimet e vështira

Ava Max është një nga këngëtaret më të reja shqiptare që ka marrë famë botërore. Ajo ka ditur si të rrëmbejë vëmendjen e të gjithëve me hitet e saj. Ava...

Tragjike, dy aktorë humbin jetën gjatë provave për serialin televiziv

Show-biz

Tragjike, dy aktorë humbin jetën gjatë provave për serialin televiziv

Dy aktorë ranë nga një urë dhe vdiqën ndërsa punonin për serialin televiziv meksikan “Sin Miedo a la Verdad” (Pa frikë nga e vërteta), njoftoi të premten rrjeti meksikan Televisa. Jorge...

Merkel më 24 janar në Stamboll, takon presidentin Erdogan

Aktualitet

Merkel më 24 janar në Stamboll, takon presidentin Erdogan

Kancelarja gjermane, Angela Merkel, më 24 janar do të zhvillojë një vizitë në Turqi. Zëdhënësi i qeverisë gjermane, Steffen Seibert, tha se Merkel gjatë vizitës së saj do të takohet në...

Sondazh

Nothing found!

Sondazh

Nothing found!