Pas reagimit të Presidentit të Shtetit, Ilir Meta, në mbështetje të sulmeve nga SHBA, Britania dhe Franca, kundër Sirisë, ka dalë edhe partia me e madhe opozitare në vendin tonë.

Përmes një reagimi për mediat, PD sqaron se mbështet vendosmërisht goditjen ushtarake të SHBA, Britanisë së Madhe dhe Francës kundër armëve kimike të regjimit kriminal në Siri. 

Po ashtu, Partia Demokratike bën me dije se përdorimi i këtyre armëve kimike rikonfirmoi  se regjimi i Asad-it është në gjendje të ndërmarrë veprimet më çnjerëzore kundër popullsisë së pambrojtur, nëse nuk përballet me pasojat më të rënda.

“Partia Demokratike mbështet vendosmërisht goditjen ushtarake të SHBA, Britanisë së Madhe dhe Francës kundër armëve kimike të regjimit kriminal në Siri. 

Përdorimi i këtyre armëve kimike rikonfirmoi  se regjimi i Asad-it është në gjendje të ndërmarrë veprimet më ç’njerëzore kundër popullsisë së pambrojtur, nëse nuk përballet me pasojat më të rënda.

Partia Demokratike e vlerëson si plotësisht legjitime ndërhyrjen e sotme ushtarake të aleateve tanë dhe shpreh mbështetjen e plotë dhe të vendosur për Presidentin Trump, Kryeministren May dhe Presidentin Macron, në aktet e ndërmarra për të ndëshkuar krimet monstruoze, për të mbrojtur popullsinë siriane nga sulmet me armë kimike dhe në perpjekjen për siguri dhe paqe në rajon dhe më gjerë.”, -thuhet në njoftimin për mediat shpërndarë nga zyra e shtypit e PD-së.

​