Lëvizja Socialiste për Integrim ka preëzantuar sot programin për zgjedhjet e 25 prillit. Në fjalën e saj, kryetarja e LSI tha se prioritetet e forcës politike që ajo drejton janë punësimi, rinia, arsimi dhe bujqësia.

“Ne si LSI e kemi tashmë të gatshëm dhe prezent programin tonë. Kemi një program që ka në thelb punësimin, një punësim të mirëpaguar, rimëkëmbjen e ekonomisë, arsim për brezin e ri, ku rinia duhet të jetë konkurruese me vendet fqinjë, pse jo në gjithë botën.

Është koha për ndryshim dhe shqiptarët kanë nevojë për ndryshim të shpejt dhe të menjëhershëm.

LSI ka hartuar politika me efekt të shpejtë dhe të drejtpërdrejtë. Politikat tona janë reale dhe të detajuara.

Punësimi dhe ekonomia janë prioritet për ne dhe të pangeociueshme. Punësimi është jetik për të kthyer besimin tek shqiptarët.

Çlirimi i Shqipërisë nga monopolet, ulja e taksave, krijimi i zonave të lira ekonomike do të kthejnë Shqipërinë në shtëpinë e investimeve për të cilën është e domosdoshme fuqizimi i ekonomisë shqiptare.

Kemi rënë dakord për taksën 9% me opozitën, por ne si LSI angazhohemi që të përjashtojmë nga taksat çdo familje që ka të ardhur 35 mijë lekë në muaj”, tha Kryemadhi