Lideri historik i demokratëve, Sali Berisha po mban një konferencë të jashtëzakonshme për mediat nga selia e PD-së.

Duke folur para gazetarëve, Berisha u kërkoi ndjesë gazetarëve që ishin në këmbë, pasi i kishte marrë deputeti Lulzim Basha.

‘Shpreh kënaqësinë për zhvillimin në Shqipëri dhe gatishmërinë e tyre për të bashkëpunuar ngushtësisht me PD-në të rithemeluar në Kuvendin e jashtëzakonshëm të saj në mënyrë që PD-ja të përmbushë misionin e saj të madh.

Të dashur gazetarë! Të nderuar gazetarë e gazetare. Ju përshëndes me përzemërsi sepse ia keni përcjellë publikut Foltoren me vërtetësinë e saj, keni luajtur rol shumë të madh në transparencën pavarësisht se keni qenë subjekt i presioneve të pandershme.

Ndiej keqardhje që sot jeni të gjithë në këmbë, por domethënia e këtij qëndrimi është e madhe.

Nga një anë keni njeriu që grumbulloi të gjitha karriget në zyrën, i çmendur me pasionin e karrigeve dhe ftoj ju që çdo karrige të thyer t’ia sillni aty.

Dhe nga ana tjetër njeriun e pasionin njeriun e misionit që nuk punon për karrige, por për liritë e demokratëve, liritë e shqiptarëve’, tha Sali Berisha gjatë konferencës së tij