Ditën e kaluar modelja më e famshme në industrinë e modelingut mori kritika të ashpra së bashku me revistën prestigjose “Vogue Italia” të cilët e kishin ndryshuar krejtësisht pamjen e saj me photoshop.

Në kopertinën e numrit të ri të muajit maj, 23-vjeçarja e cila pak ditë më parë festoi ditëlindjen, u shfaq brune dhe me lëkurë shumë më të errët duke shkaktuar opinione raciste nga publiku.

Gigi Hadid e ka pasur të pamundur të injorojë komentet dhe kritikat për këtë arsye ka kërkuar ndjesë publike. Nëpërmjet një postimi në historinë e Instagram-it të saj, modelja shfaqi një foto duke u larguar nga seti i xhirimeve ku binte në sy lyerja me locione nxirëse.

Ajo u shpreh se nuk është në dorën e saj modifikimi i këtyre fotove dhe se “Vogue Italia” nuk ka pasur asnjë qëllim të keq veçse krijimtarisë, megjithatë ajo kërkon ndjesë për të gjithë ata që u ofenduan dhe e panë të papërshtatshme.