Ish-futbollisti anglez dhe analisti sportiv, Gary Linker, ka dhënë opinionin e tij për ndërhyrjen që Sergio Ramos bëri ndaj Mohamed Salah në finalen e “Champions League”.

Ramos u kritikua nga mbarë media dhe analistët sportivë ndërkombëtar për veprimin e tij të ashpër ndaj egjiptianit.

Ylli i Liverpool u detyrua që të linte fushën e blertë në minutën e 31-të të takimit mes lotësh për shkak të dhimbjeve të mëdha që kishte në shpatull.

Linker nuk i kurseu fjalët për kapitenin e Real Madrid dhe të Spanjës përmes një statusi të publikuar në rrjetin social "Twitter".

"Sergio Ramos është një lojtar i madh dhe të gjitha klubet e duan në ekipin e tyre, po duhet t'i japin një çmim për tr*p" shkruan 57-vjeçari.