Pa ndeshje në fundjavë, Cristiano Ronaldo preferoi të udhëtonte në Madrid për të ndjekur “El Clasico” Real-Barcelona. Por prania e tij në “Santiago Bernabeu”, pas një mungese 2-vjeçare ka ndezur spekulimet në lidhje me të ardhmen e CR7. Për të “frikësuar” Juventus ka menduar Edu Aguirre, gazetari spanjoll, në të njëjtën kohë mik shumë i ngushët i Cristiano Ronaldo.
“Jam i sigurt që Cristiano ka dëshirë të rikthehet te Real Madrid. Ndjeu sërish ngrohtësinë e tifozëve në “Bernabeu” dhe u emocionua. Tani është i përqëndruar te Juventus, por në futboll “kurrë mos thuaj kurrë”. Nuk e di se çfarë do të ndodhë në të ardhmen. Askush nuk e di”, ka thënë Aguirre për mediar spanjolle.
