Rrezikon të rendohet së tepërmi pozita e ish-milanistit Ronaldinjo, i arrestuar në Paraguai, pasi kaloi kufijtë e këtij vendi me dokumenta falso.

Hetimi i cili ka hyrë në një tjetër fazë, me prokurorinë e Asuncionit, e cila këmbëngul se vizita e Ronaldinjos ka qenë një skemë e fshehur për riciklim parash, që përfshin biznesmenin Dalia Lopez, personin që kishte ftuar ish-futbollistin në Paraguai.

Lidhur nga faktet që kanë, hetuesit kanë nisur të hetojnë dosje, mesazhe dhe “e mail”-e në celularët e Dinjos dhe vëllait të tij menaxher, Roberto de Asis.

Burgu i nevojshëm – Sipas prokurorit të cështjes, Osmar Legal, ajo që po hetohet me detaje është lidhja që ekziston mes biznesmenit që kërkoi vizitën dhe që e prit Ronaldinjon edhe në aeroportin e Asuncionit, përpara se të arrestohej.

“Bindja jonë kryesore është se, dokumentat falso janë përdorur për qëllime komerciale ose investime jo të ligjshme”, – shpjegon Legal, i cili nënvizon se për këtë arsye qëndrimi i Ronaldinjos në burg është mëse i nevojshëm. Ish “Topi i Artë” u prangos më 6 mars, ndërsa tentonte që të hynte në Paraguai me një pasaportë falso.

Pavarësisht disa kërkesave nga avokati i tij, Ronaldinjo ka parë që ti mohohet edhe kërkesa e arrestit të shtëpisë, pasi në orët e fundit qarkullojnë disa zëra se për ish-milanistin ishte bërë gati edhe një plan arratisjeje nga vendi. Dhe mbi të gjitha, nëse hetimet konfirmojnë akuzën për riciklim parash, Ronaldinjo rrezikon nga 7 deri në 12 vite burg.